Tuesday, April 6, 2010

Монголын ханаас Гуулин улсын ванд илгээсэн 1221 оны 8-р сарын шарагчин хонин өдрийн тархаах зарлиг

Шарагчин хонин өдөр монголын элч Чхаггойө нарын арван гурван хүн Зүүн Жин улсын найман хүний хамт ирсний нэг нь эмэгтэй хүн байв.

Хөх хулгана өдөр ван, монголын тархаах Зарлиг-ийг Тегуан харшид хүлээн авав. Монгол ба Зүүн Жиний нийт хорин нэгэн хүн бүгд харшид гарна гэцгээв. Манайхан ганцхан хүнийг нь гаргана хэмээн эс тохиролцон хэсэг байснаа, наран шингэх үес наймыг нь харшид гарах болов.тэд Монголын хуантайз–ын Зарлигийг уламжлаад, халиуны арьс нэгэн түмэн лин, нарин торгомсог гурван мянган толгой, нарин болгосон олс хоёр мянган толгой, мяндас түмэн жин, лунтуан бэх мянган нийлүүр, бийр хоёр зуун гуурс, цаасан арван түмэн хуудас, бэрээмэг таван жин, гургум, будуг, шунх тус бүр тавин жин, шаруца, шир, тос тус бүр арван жинийг нэхжээ.

Чхаггойө нарын элчис зарлигийг уламжлаад харшаас буухын үес хүн бүр өврөөсөө нэг юм гаргаж вангийн өмнө орхисон нь жилийн өмнө өгч байсан мөнөөх сиймхий торгомсог байлаа.

Тэд хуримд ч оролцсонгүй. Тэд бас Жала, Бух нэрт хоёр юаншуагаасаа тус бүр нэжгээд бичиг авчирсан нь мөн л халиу, торгомсог, мяндас зэргийг нэхсэн байлаа.

No comments: